SORSOGON CITY – Free foods, games, entertainment at music, ang ibibida ng Pamahalaang Panlalawigan ng Sorsogon sa gaganaping Barrio Fiesta sa Kapitolyo kaugnay ng pagdiriwang ng Kasangganyahan Festival sa Lunes Oktubre 17 taong kasalukuyan.
Ayon sa Provincial Tourism Office, ang naturang mga handog at pakulo ay maghahatid ng lubos na kasiyahan sapagkat ibibida umano dito ang mga paboritong musika, laro at mga pagkain ng mga Sorsoganon.
Sisimulan ang nasabing fiesta sa kapitolyo alas 9:00 ng umaga kung saan kasabay nga ng pagdiriwang ng Kasanggayahan Festival ay idineklarang local holiday sa buong lalawigan.
