Sinisimulan nang balangkasin ng Sangguniang Bayan ng Juban, Sorsogon ang plano ng pamahalaang bayan na makapagpatayo ng sarili nitong slaughter house.
Sa 100 days report ni Mayor Gloria Alindogan, alkalde ng nasabing bayan, isa ang slaughter house sa mga binabalangkas ngayon ng Sangguniang Bayan para makagawa ng resolusyon at ordinansa para mailatag ng maayos ang mga dokumento at mga kailangang gawin para maisakatuparann ang nasabing proyekto.
Matatandaang isa ang bayan ng Juban sa mga hinimok ng Sangguniang Panlalawigan sa pamamagitan ng resolusyon ni Board Member Roland Anonuevo na mag patayo ng sariling slaughter house dahil isa aniya ito sa mga preventive measures laban sa african swine fever (ASF) virus.
Kabilang din sa mga hinimok ng Sangguniang Panlalawigan na magpatayo ng sariling slaughetr house ay ang mga bayan ng Matnog, Sta. Magdalena at Barcelona.
