NAGA CITY- Maraming bata ang may foot and mouth disease sa Goa, Camarines Sur. Ito ang ibinahagi sa Brigada News FM Naga ni Dr. Dado Fuentebella.
Common ngayon sa mga bata, may mga butlig na namumula o parang mga may bulutong.
Walang binigay na bilang ng kaso si Fuentebella pero binibigyan nila ng antiviral at kusa namang natutuyo. Nakakahawa ito ayon sa Municipal Health Officer pero may available aniya ang gamot sa bayan.
Ang foot and mouth disease ay sanhi ito ng virus kaya ipinapayo ang palagiang paghuhugas ng kamay at ugaliing linisin o i-disinfect ang mga bagay na madalas hawakan o isubo ng bata.
Ang sakit ay naitatala rin sa iba’t-ibang bahagi ng bansa ngayon.
