CAMARINES NORTE- Natimbog ng pinagisang pwersa ng mga otoridad ang isang babae na floor manager ng isang videoke bar dakong alas 11:50 ng gabi nitong Agosto 24, 2021 sa Purok 1, Barangay Masalong, Labo, Camarines Norte
Sa ikinasang drug buy-bust operation ng pinagsanib na pwersa ng mga otoridad, naapasakamay ng mga ito ang suspek na si ROSEMARIE PADOLINA y SEVILLENA, 33 anyos, at residente ng nabanggit na lugar.
Nakumspika sa pagiingat ng arestadong personalidad ang isang pirasong katamtamang laki ng selyadong plastik na pakete na naglalaman ng hinihinalang shabu na buy bust drug; Isang pirasong katamtamang laki ng selyadong plastik na pakete na naglalaman ng hinihinalang shabu;
Isang Limandaang Piso at Tatlumpo’t Isang (31) piraso ng pekeng Isang Libong Piso na buy-bust money.
Ang mga nakalap na iligal na droga ay tinatayang may kabuuang bigat na humigit kumulang 9.7 gramo, at nagkakahalagang humigit kumulang animnapu’t walong libong piso (Php 68,000).
Kakaharapin ni PADOLINA ang kasong paglabag sa Section 5 at 11 Article II ng RA 9165 “Comprehensive Dangerous Drugs Act of 2002”.
