BNFM BICOL- Muli nang nagsagawa ng Flag Raising Ceremony ang ilang lokal na gobyerno sa lalawigan ng Albay matapos ang 11 buwan na pagpapaliban ng pagsasagawa nito dahil sa banta ng COVID 19 transmission.
Sa impormasyong nakalap ng Brigada News FM Bicol, kahapon unang Lunes ng taong 2022 ay ikinasa nang muli ng lokal na pamahalaan ng Camalig Albay ang nasabing seremonya.
Dinaluhan naman ito ng mga empleyado, at mga personahe ng LGU kung saan mahigpit pa ring ipinatupad ang minimum public health standards.
Kasabay nto ang pagbibigay ng mensahe ng alkalde ng naturang bayan kung saan binigyang diin nito ang kahalagahan ng patuloy na pagrespeto, pagmamahal, pagiging mabuti at pagseserbisyo sa publiko.
Tiniyak naman ng opisyal na magiging mas epektibo ang serbisyo ng lokal na gobyerno ng Camalig sa mga nasasakupan nito ngayong taon.###
