Sugatan ang isang fish vendor matapos itong pagbabarilin ng ka-barangay sa Guis-Guis Talon, Sariaya, Quezon nitong Linggo, Hulyo 21.
Ayon sa report, hatinggabi umano nang makarinig ang isang saksi ng mga putok ng baril at nakita ang suspek na tumatakbo sa dilim at natumba pa ito.
Samantala, isinugod naman sa hospital ang biktima habang ang mga awtoridad ay nagpapatuloy ang isinasagawang operasyon upang madakip ang suspek at matukoy ang motibo nito.
Sa ngayon, patuloy na nagsasagawa ng imbestigasyon ang mga awtoridad hinggil sa insidente.
