Hinimok ng poll watchdog Kontra Daya ang Department of Information and Communications Technology (DICT), na isapubliko ang kanilang findings sa “compromised features” sa system ng Smartmatic, upang mawala ang pangamba hinggil sa integridad ng May 9 elections.
Ayon kasi kay Kontra Daya convener Danilo Arao, may dahilan para mabahala, sa kabila na sinabi ng Comelec na ang findings ng DICT’s Information and Technology’s Cybercrime Investigation and Coordination Center (CICC) ay walang epekto sa halalan.
Una nito, sa pagdinig ng congressional oversight committee, nilinaw ni CICC head Cezar Mancao II na hindi ang system ng Comelec system ang nahack, sa halip ang system ng Smartmatic ang nakompromiso.
Sa gitna nito, humiling ang CICC chief ng closed-door meeting para ipaliwanag ang kanyang naging assessment. //MHEL PACIA-TRINIDAD
