-Reymund Titong
KABANKALAN CITY, Negros Occidental — Opisyal na nga gin-paguwa sang Commission on Elections (COMELEC) ang schedule sang filing sang certificate of candidacy (COC) para sa 2025 local and midterm elections.
Pahayag ni Negros Occidental COMELEC supervisor Atty. Ian Lee Ananoria, sa January 12, 2025 tubtob Hunyo 11, 2025, ang makabig nga election period, lakip na ang pagpatigayon sang gun ban.
Samtang, ang campaign period naman para sa mga partylist representatives kag senador ang magasugod sa Pebrero 11 tubtob Mayo 10, sa masunod nga tuig.
Dugang pa, ang kampanyahanay ukon ang ‘campaign period’ sa maga-padalagan sa lokal nga mga posisyon sa gobyerno ang pagapatigayunon humalin Marso 28 tubtob May 10, kag ang election day naman ang na-schedule sa Mayo 12.*