HAPSAY ang filing sa certificate of candidacy kun COC sa Sarangani Province.
Kini ang nahimong assessment ni Sarangani Police Provincial Director Col.Nicomedes Olaivar nga sukad niadtong Oktubre 1 ug kasamtangan walay unsa mang kakulian.
May deployment sa kapulisan sa Comelec office anaa sa likod sa Sarangani capitol ingon man ang pwersa sa mobile forces.
Sa karon, padayun matud pa nga nakig-alayun ang kapulisan sa kasundalohan ug mga local government units aron maplastar ang mga angayang buhaton aron mapugngan ang unsa mang kagubot sa panahon sa eleksyon.
Gidugang ni Olaivar nga may mga areas of concern sa miaging mga eleksyon sa Sarangani province ug kini ang ilahang gina-monitor, lakip ang mga grupo nga muhimo og kasamok sa piniliay ang ilang gina-monitor.
Samtang sa South Cotabato, gibutyag ni Col. Lemuel Siason, Provincial Director sa South Cotabato police provincial office nga nagpabiling nga hapsay ug walay kagubot nga nahitabo sa filing sa COC ug may assistance sila sa Comelec aron mapatuman usab ang health protocols.
