GRABE ang kalipay sa pamilya ingon man ni Placido Antipuesto, 85-anyos sa nadawat nga wheelchair gikan sa KaBrigadahan GenSan.
Asoy ni Marjorie Batiller, anak ni lolo Placido nga na-slide ug napiang ang amahan hinungdan upat ka bulan kining naglubog ug sa kwarto na lang kini magtinir tungod dili na makalakaw og tarong.
Tungod gusto usab makita ang amahan nga makagawas gawas sa kwarto niini, nangayo og tabang si Marjorie aron may magamit nga wheelchair ang amahan.
Tuod man gidungog ang iyang hangyo sa mga miyembro sa KaBrigadahan Gensan ug gihatod mismo ni Idol Brigada Elmer V. Catulpos ang wheelchair.
Makita sa mga mata ni lolo Placido ang tumang kalipay dihang gipalingkod na sa wheelchair sulod sa ilang balay ug hugot kining nagpasalamat ingon man sa iyang anak.
Nasayran nga gibansangan nga bayani ni Idol Brigada Elmer ang mga miyembro sa programa tungod sa ilang walay puas nga pagtabang sa ilang isigkatawo.
