Natalana pagapasidunggan sa palaabuton nga pagsaulog sang probinsya sang Negros Occidental sang ‘Al Cinco de Noviembre’ sa biernes nga adlaw Nobyembre 5, 2021 ang mga tawo sa likod sang “Fight Against Covid-19 Campaign” sang gobyerno probinsyal.
Suno kay provincial administrator Atty. Rayfrando Diaz II ang ini nga mga awardees ang nagabug-os sang mga frontliners halin sa disaster team, mga hospitals sang probinsya, Provincial Health Office, sa mga quarantine facilities kag healing centers.
Dugang pa ni Diaz, ang nasambit nga mga frontliners ang ginakabig sang gobierno probinsyal mga baganihan sang Negros Occidental bangud sa ila kontribusyon sa pagpakig-away batok sa Coronavirus disease (Covid 19).
