Personal nga ginpangunahan ni OIC Commissioner Dr. Mary Jean P. Loreche it National Commission for Senior Citizens ro ginpatigayun nga Exploratory and Consultative Meeting kahapon, July 25 sa Provincial Capitol Building, Estancia, Kalibo.
Gindiskusyunan sa nasambit nga pueong ro mga programa nga para sa kamaeayran it mga senior citizens ag ro papel it komisyon sa pagpabaskog ag pagsueong kara.
Presente sa miting ro mga Office of the Senior Citizens Affairs Head ag Federation of Senior Citizens’ Association of the Philippines (FSCAP) President it 17 ka mga kabanwahunan sa Aklan. // ANN DESLENE SALAZAR
