Arestado ro sangka colorum driver ag gin-impound ro anang private van sa ginpatigayun nga operasyon it Land Transportation Office o LTO, kahapon.
Sa report, naobserbahan ro van nga may plate no. nga FHP242 nga naga operate ag naga pasakay it mga pasahero sa sangka terminal sa may Funda-Dalipe, San Jose, Antique.
May sangka miyembro it special colorum team ro nagpakuno-kuno nga pasahero ag nagsakay imaw sa nasambit nga van ag nadiskubre nana nga nagabiyahe ro nasambit nga saeakyan ag nagasukot it P150, P100, P80 ag P50.
Bangud kara, gin-intercept eagi ro nasambit nga saeakyan sa may banwa it Makato, Aklan, ag kat pangayuan it papeles hay owa raya it ginpakita rasun nga ginpakamayad nga daehon sa Makato MPS ro driver ag ro anang van hay naka impound sa LTO Kalibo District Office. // ANN DESLENE SALAZAR
