Arestado ang isa ka ex-convict matapos ginkasahan sang drug buy-bust operation sang mga kapulisan sa Brgy. Punta Tabuc, Roxas City pasado alas 12:00 kaina sang kaaganhon.
Ginkilala ang naaresto kay Ryan Agana Aninacion, 40-anyos, residente sang nasambit nga barangay.
Nabaklan sang police poseur buyer si Aninacion sang isa ka plastic sachet sang ginapatihan shabu nga nagabug-at sang 1.24 gramos kag nagabalor sang P6,600.
Narekober pagid sa posisyon kag paghinakop sang suspetsado duha ka bulto sang droga nga nagabug-at sang 7.52 gramos kag 3.44 gramos nga nagdangat tanan sa 12.21 gramos nga may standard drug prize nga P83, 028.
Nahibaluan nga anay na nadakpan sa pagduso sang droga si Aninacion sadtong 2019 sa Kalibo, Aklan apang nakaguha ini matapos nga mag-avail sang plea bargaining agreement.
Sa karon, nagapabilin sa kustodiya sang Roxas City PNP ang suspek para sa nagakaigo nga disposisyon. | Judy Ann Juare
