Timbog ro 19-anyos nga estudyante nga ginkilaea nga si John Noel “JN” Antonio nga nadakop nga nagabaligya it ap-at ka sachet it shabu sa balor nga P9,000 buy-bust money sa sambilog ka buy-bust operation sa Ibajay, Aklan.
Ginhimo ro sting operation sa Sitio Agutay, Barangay Aquino it gintingob nga pwersa it Aklan Provincial Drug Enforcement Unit (PDEU) ag Philippine Drug Enforcement Agency.
Narekober man it buy-bust team sa suspek ro sambilog ka basyo it sigarilyo ag P300 cash.
Si Antonio hay tumandok it Bagong Barrio, Caloocan City ag naga-istar sa Barangay Alimbo Baybay, Nabas, Aklan,
Base sa pahayag ni Aklan PDEU chief Lt. Col. Frenzy Andrade, ginbuoe it suspek ro supply it ilegal nga droga halin sa sambilog ka source sa Caloocan paagi sa online shopping sites.
Magapangatubang ro suspek sa kaso nga pageapas sa Republic Act 9165 o Comprehensive Dangerous Drugs Act of 2002./JIL B. LACSON See less
