DILI na kinahanglan ang estrikto nga pagpatuman sa health measures aron mupugong sa mga tawo nga mogawas, importante lang nga bakunado na ang tanan ug musunod sa safety protocol batok sa Covid-19, kini ang gibutyag ni Dr. Fidel Peṅamante Presidente sa Philippine Medical Association Gensan-chapter.
Aron magpadayon ang pag-abli sa ekonomiya sa syudad kinahanglan siguruhon sa publiko nga fully vaccinated ang tibook myembro sa pamilya. Ug dasigon sa pagpabakuna ang mga kaila nga anaa sa kasikbit nga lugar. Tungod sa bakuna dako ang tabang niini sa lawas sa tawo, miubos na usab ang kaso sa virus ug wala nay natam-an nga misangko sa ospital.
Sa padayong pagsaka sa vaccination rate sa Gensan, nakatabang kini nga mapa-ubsan ang Covid-19 hospital occupancy rate. Dugang niini, adunay tambag si Dr. Peṅamante sa katawhan labaw na sa political season kung asa dili malikayan ang daghang tapok sa mga tawo. Siguruhon nga modistansya sa mga tawo, kanunay hugasan ang kamot ug magsoot kanunay og facemask.
