NAGMALAMPUSON ang tulo ka adlaw nga e-rehistro sa Brigada Group of Companies ug sa pagpakig-alayon sa Department of Information and Communication Technology (DICT) sa Veranza mall, Gensan.
Pila sa mga mitambong sa maong aktibidad ang nagpasalamat ug nakadayeg tungod kay narehistro na ang ilang sim card ug isip protection batok sa gustong magbinuang pinaagi sa cellphone.
Segon ni Edna Celin nga siya ang nagparehistro human nga nadunggan sa 89.5 Brigada News FM ang aktibidad nga simcard registration assistance project.
Saysay pa niini nga gawas sa paglikay nga madeactivate apan isip usa usab ka pagpanagana nga masayran ang mga nagabinuang tungod kay ma-trace ang numero ug si kinsa ang nanag-iya.
Samtang si Arturo Daquio nga taga-Barangay North, Gensan, daling gihimuslan ang kahigayonan ug nagpasalamat og dako nga adunay susamang programa tungod kay makatabang matud pa og dako ilabi na ngadto sa mga naglisod sa pagparehistro.
Segon pa sa nahisgotan nga gipaningkamotan gyud niini nga makaapas sa pagparehistro tungod kay pila ka adlaw nalang mahuman na ang deadline.
Sa bahin ni Earl SunGgeraldez, training specialist sa DICT-Sar-Gen Provincial Office ang mismong nakaobserba nga daghan og nagatestemonya nga dakong tabang ang gibuhat sa Brigada nga pagpasiugda sa e-rehistro.
Dugang pa sa nahisgotan nga alang didto sa mga naglisod sa pagparehistro nahimong dakong tabang ngadto kanila ang maong aktibidad.
Nasayran nga sa tulo ka adlaw nga e-rehistro, gatusan nga mga ka Brigada ang naserbisyuhan nga may mga sim card nga Globe, Smart, DITO, Talk and Text ug TM. I Danny Casi
