CAMARINES NORTE – Aaarangkada na simula ngayong araw ang campaign period para sa Barangay at Sangguniang Kabataan Elections na tatagal hanggang sa October 28.
Kaugnay nito ay umapela ang Department of Environment and Natural Resources (DENR) sa mga kandidato at mga taga suporta na gawing environment- friendly ang pangangampanya.
Sa panayam ng Brigada News FM Daet sinabi ni OIC Provincial Environment and Natural Resources Officer (PENRO) Nestor Franz Fortuno na hangga’t maaari ay gumamit ng mga recyclable at environment-friendly materials ang mga kandidato sa kanilang mga campaign paraphernalias.
Nakahanda rin umano ang ahensiya na tumulong sa Commission on Elections kung kakailanganin.
Aniya pwedeng magamit ang kanilang resources, sasakyan at personnel anumang oras na sila ay kailanganin.
