Ginkumbinse it Department of Education (DepEd) Region 6 ro mga ginikanan ag guardians it mga unga nga i-enroll sanda it aga.
Ro School Year 2022 – 2023 hay maga-umpisa makarang Agosto 22.
Samtang, ro enrollment sa mga pampubliko ag pribado nga eskwlehan hay maga-umpisa sa Hulyo 25.
Pahayag it ahensiya, makipag-angot eamang sa mga manugturo o adviser agud ma-enroll ro mga unga.
Gintaw-an man nanda it bug-at nga libre ro enrollment ag uwa it bisan ano nga bayad.
Sa makara, padayon gihapon ro blended learning pero pag-abot it Nobyembre, tanan nga klase hay ipatuman ro f2f classes.
Ro Region 6 hay may 5,068 rehistradong eskwelahan – 4,045 diakra hay pampubliko nga eskwelahan; 1,010 hay mga pribado nga eskwelahan; ag 13 man ro lokal nga unibersidad ag kolehiyo./JIL B. LACSON
