Balhog sa Panabo Police Station ang duha ka indibidwal human nga nasikop nga namaligya og illegal nga druga sa managlahing buy bust operation sa Panabo City, Davao del Norte.
Ang mga suspek giila nga sila Chrisdev Castrojo Boyles alyas “Taba”, 31 anyos, usa ka LGU Panabo City employee,residente sa Prk. 4, Kalubihan, Brgy. New Visayas, ug si Freddies Velasquez Malia, alyas “Bai”, 47 anyos.
Gikustodiya na ang mga suspek ug nag atubang na sa kasong pagsupak sa RA 9165 o ang Comprehensive Dangerous Drugs Act of 2002.
Tungod niini, nanawawagan mga otoridad sa maong dakbayan sa mga adunay planong mubuhat sa susamang aktibidad nga dili sila magpanuko nga dakpon ug pahamtangan og silot sanglit usa kini sailang gipakusgan kampanya.
Samtang, nanghinaot ang PNP Panabo ngamakunhuran na ang ang kalihokan sa ilegal nga droga sa syudad o sa uban pang lugar. BNFM-Davao
