HUMAN giangkon sa mayor nga layo pa ang GenSan sa pagkab-ot sa ‘herd immunity’ o population protection batok Covid-19. Gihangyo niini ang si National Task Force against Covid-19 Chief implementer Carlito Galvez Jr., nga hatagan og 5,000 vials sa bakuna.
Ang mga trabahante sa fishport complex, canning factories ug mga mananagat isip vitals installation sa GenSan. Sagad dinadugok og mga tawo nga gituohang posibleng panukaran sa pagdaghan pa sa kaso sa virus sa dakbayan.
“We already forwarded our request specially for fishing industry and the fishport operation and later on sa canning industry coz this is are vital installation sa city and grabeh ang congregation sa tawo, initial for the fishport 5,000 vials,” asoy ni Rivera.
Gihingusgan ni Rivera nga ang pagbakuna sa mga mananagat ang aron maprotektahan sila batok sa virus partikular na ang mga nanagat sa Indonesia nga karon nakasinati og ikatulong ‘surge’ sa virus.
Makig-pulong ang mayor sa mga opisyal sa Philippine Fisheries Development Authority (PFDA) ug South Cotabato Purse Seiners Association (SOCOPA) Sa bahin ni Paris Ayon, acting administrative services division chief sa PFDA-GenSan nagsumite na sila og pangalan sa mga sakop nga bakunahan sa Rural Health Unit (RHU) sa Barangay Tambler. ( Richel Gubalani)
