GIANGKON ni Conrad Artates, ang labaw sa DOLE Gensan Field Office nga may trabahante na sa usa ka dakong kompanya sa dakbayan ang midangop sa ilang buhatan human nga wala pasudla sa iyang trabaho kay wala nabakunahan.
Segon ni Artates nga gipasabot niini ang may kalabotan sa IATF Resolution nga kon pananglitan nga wala nabakunahan ang trabahante mahimo gihapon kining makapanarbaho sa kundisyon nga gikinahanglan ang pagpailalum sa RT-PCR test.
Hinuon gipaklaro niini nga walay mahitabong termination kon dili mabakunahan ang usa ka empleyado apan mahimong mahurot ang leave credit hangtod sa musangko nga no work no pay.
Samtang giangkon usab sa opisyal nga bisan sa ilang ahensya dunay dili gustong magpabakuna apan gikinahanglan nga sila ang mupailalum sa RT-PCR test kaduha sa usa ka bulan nga maoy bugti sa dili nila pagpabakuna. I Danny Casi
