Nakilaea eon ru sangka eaeaki nga nakit-ang uwa eon it kabuhi ag naka kueob sa sangka feeder road nga gin aagyan it tubi kun bumaskog ru uean sa Marte Road boundary Brgy. New Buswang ag Brgy. Old Buswang, Kalibo, Aklan.
Gin komperma it asawa ku biktima nga si Mrs. Roselyn Irodestan nga ru nakitang patay hay si Loduvico Irodestan, 67 anyos ag residente it Sitio Pilagia Marte Road Brgy. New Buswang, Kalibo ag kina ugali-an sigun it biktima nga naga bakae it sigarilyo ag tinapay sa kada agahon.
Tuman kakibot it mga residente sa lugar kat makit-an ru biktima rason nga andang gin verify sa asawa mismo it biktima ag nakomperma nga anang gid man nga asawa ru nakitang patay sa feeder road.//MARIVIC Y. ILIN
