Sangka eaeaki ro nadakpan it kutsilyo ag screwdriver sa may Jaime Cardinal Sin Avenue, Pook Airport kaina it kaaganhun.
Ginkilaea ro suspek nga si Jhonvince Paderes 21yo ag taga Polo New Washington, Aklan.
Sa report, nadakpan ro suspek nga nagapanglingling sa barracks it mga pulis partikular ro mga miyembro it PNP Aviation Security Group nga nabase sa Kalibo International Airport (KIA).
Gin-eagas ro suspek ag kat nadakpan hay narekober sa posisyon kara ro kutsilyo nga may haba nga 10 ½ inches ag sangka screwdriver.
Kulong eon raya sa Kalibo MPS ag posibleng kasuhan it pag-eabag sa Batas Pambansa Bilang 6. / ANN DESLENE SALAZAR
