Nag angkon it nina sa ueo ro sangka eaeaki matapos raya nga bun-on it owa pa nakilaea nga suspek sa Brgy. Alimbo-Baybay, Nabas, Aklan.
Natabo ro insidente kaina it kaaganhun sa nasambit nga lugar.
Ginkilaea ro biktimang si Orly Diaz 33yo ag residente it Brgy. Buenasuerte, Nabas.
Sa report, samtang pauli ro biktima ag igmanghud kara halin sa sangka baylihan hay ginkursunadahan segun raya it suspek ag gulpi nga ginbuno sa ueo gamit ro basag nga bote.
Sa makarun hay padayun nga ginabueong sa Aklan Provincial Hospital ro nasambit nga biktima samtang padayun ro imbestigasyun it Nabas MPS. // ANN DESLENE SALAZAR
