Kulong sa Kalibo MPS ro sangka eaeaki matapos raya nga magpangbuno kat balibaran nga bakeon ro anang ginabaligya nga silver nga bracelet.
Ginkilaea ro suspek nga si Alfred Rebutar 36yo ag residente it C. Quimpo St., Kalibo, Aklan.
Ro biktima nga sangka 26yo nga nagpamalibad nga magpasambit it pangaean hay kaeapitbaeay it suspek.
Sa report, nag agto ro hilong nga suspek sa baeay it biktima para baligyaan imaw it silver bracelet pero nagbalibad raya bangud owa segun imaw it kwarta.
Umuli segun ro suspek ag pagbalik hay nagpang hangkat it away ag may daea pang kutsilyo.
Ginguwa segun it biktima ag ku anang ama ro suspek ag dikara eon sanda ginbuno ni Rebutar.
Gindaea man ro mag-amang biktima sa provincial hospital nga nag angkon it pagbuno sa pilang parte it andang kaeawasan samtang ro suspek hay nagapangatubang sa kasong frustrated homicide. / ANN DESLENE SALAZAR
