Nagreklamo sa Kalibo PNP ro sangka eaeaki matapos segun imaw nga paeagon ku anang kainuman.
Sa reklamo ni Gilbert Lamajan 40yo it Purok 4 C. Laserna St., Kalibo, Aklan, naga inuman sanda it suspek nga si certain Pilbert ag sambilog pa gid nanda nga kaibahan sa may Veterans Avenue Kalibo kat gulpi nga nag angkon it argumento sa tunga nanda.
Dikara ag ginpaeag segun imaw it suspek pinaagi it paghambae nga mabuoe raya it baril ag paga balikan ro complainant.
Nagtuga segun raya it kahadlok kay Lamajan rasun nga ginpakamayad nana nga iparekord sa Kalibo PNP ro insidente nga gin-refer man sa Brgy. Justice it Poblacion Kalibo. / ANN DESLENE SALAZAR
