SORSOGON CITY – Hinikayat ni Buenavista Elementary School Principal 1 Norman Dimaano ang mga magulang ng kanilang mga estudyante na magpaturok na ng bakuna kontra COVID-19.
Ayon dito, bukod kasi sa maaari nang i-enroll ng mga ito ang kanilang mga anak sa limited face to face classes kapag bakunado na, proteksyon din ito dahil sakaling tamaan man ng nasabing sakit ay hindi na ito magiging severe.
Samantala, tiniyak naman ng guro na siya, kabilang na ang lahat ng kanilang mga personahe ay fully vaccinated na.
Matatandaan na sa implementasyon ng limited face to face classes sa nasabing paaralan ay requirement ang pagiging bakunado ng magulang upang ang kanyang anak ay payagang makabilang sa nasabing modality.
