LEGAZPI CITY – Nakaresibe nin mga materyales hale sa lokal na gobyerno kan Camalig, Albay an duwang eskwelahan sa banwaan na magagamit para sa pagpakarhay asin pagpagayon kan mga pasilidad.
Sa tabang ini kan Local School Board o LSB kun sain nagkaigwa ki distribusyon nin labi 70 balde nin pintura sa Camalig North District asin Camalig South District na isinagibo sa Gabaldon Buildings susog sa LSB Resolution No. 3 series of 2023 na tuyong gibuhong mas komportable sa mga estudyante an mga pasilidad asin saro sa mga paagi nganing ma-motivate an mga kaakian.
Mientrastanto, labi man an pasasalamat kan North and South Public Schools District Supervisors huli ta dakulang tabang ini sa pagmamantenir kan kagayunan kan mga imprastraktura asin learning environment kan nasambit na mga eskwelahan.
