LEGAZPI CITY – Piglalaoman na dakulang tabang an pagkakaigwa nin Citizens Investment Fund o CIF sa pagbilog nin mga programa asin inisyatiba pag-abot sa Renewable Energy program sa probinsya kan Albay.
Positibo si Provincial Planning and Development Coordinator Arnold Onrubia sa bagay na ini, huli ta ini an nakua niyang adal kan nag-atendir siya sa Knowledge Co-Creation Program (Young Leaders) for Philippines 2024 Renewable Energy Course na ini-sponsor kan Japan International Cooperation Agency.
Dugang pa ni Onrubia, sa programang ini, an pag-establisar nin CIF asin Transition Impact Fund, dakulang bagay para sa pag-finance kan prospective renewable energy projects sa probinsya.
