KABANKALAN CITY, Negros Occidental — Duwa ka mga police sa Negros Occidental ang gin-relieved sa ila mga pwesto bangud sa gina-alegar pag-baton sang “protection money” gikan sa mga tawo nga naga-pundo sang illegal gambling sa probinsya.
Suno kay Philippine National Police-6 (PNP) regional director Brigadier General Jack Wanky, Indi pa nila pagpangalanan ang mga imbolbado nga mga police samtang nagapadayon pa ang ila imbestigasyon, bangud ila gina-pangandaman ang ila mga lihok sa nasambit nga mabug-at nga alegasyon.
Dugang pa ni Wanky nga kun mapamatud-an sa imbestigasyon nga imbolbado ang duwa ka police, maga-pangatubang ini sang penalidad kag kaso.
Gin paandaman man sang deriktor ang mga chief of police (COP) sa rehiyon nga kun Indi sila mag giho sa pag-tapna sang illegal gambling sa ila mga lugar, ang “one strike policy” sang PNP ang iga-enforced.
Ang “one strike policy” amo ang pag-hatag pinalidad sa mga kapulisan sa kapaslawan sini sa pag-inisyar sang operasyon batok sa mga illegal gambling activities sa ila tagsa ka mga area of operation.
Sang Abril subong nga tuig, isa ka police kag fire officer sa syudad ang Iloilo ang nadakpan nga naga intra sa illegal nga sugal.*
