Maeupad paagto sa probinsiya it Capiz si Pangulong Rodrigo Duterte sa masunod nga dominggo agud pangunahan ro groundbreaking ceremony sa 5,000-seater Capiz Convention Center sa Roxas City.
Base sa lokal nga gobyerno, ro P750-million center hay pagapondohan it national government sa idaeom it Build, Build, Build program.
Ro nasambitan nga edipisyo hay ipatindog sa Pueblo de Panay Barangay Lawaan, Roxas City.
Dugang pa it lokal nga gobyerno, bukod sa pagkilaea bilang “Seafood Capital of the Philippines”, ro probinsiya it Capiz hay dapat man makilaea sa maein-eain nga pisikal nga atraksyon.
Ro Capiz Convention Center hay magiging mas mabahoe nga venue para sa pag-host it mga regional, national, ag international conventions./JIL B. LACSON
