Arestado ang usa ka Keith Carl Cayacapan, 35-anyos, dunay kalive-in, private employee nga residente sa Purok 5, Southern Paligue, Padada, Davao Del Sur atol sa gikasa nga buy bust operation sa mga sakop sa Sta.Cruz Municipal Police Station sa Sitio Alcantara Brgy Tagabuli, Sta Cruz, Davao Del Sur.
Narekober gikan sa suspek ang droga nga mokantidad og P4,500.00 ug ubang non drug item.
Ang suspek nalakip sa PNP-PDEA WATCHLIST Provincial Target NO. 10 ug Regional Target No. 10 ug gikonsedera nga High Value Individual
Giindorso na sa Provincial Crime Laboratory Office, Digos City ang mga droga nga narekober alang sa laboratory examination samtang giandam na ang kaso nga ipasaka batok kaniya.
