Umapela si Health Secretary Francisco Duque III kay Public Attorney’s Office (PAO) chief Persida Acosta na magpabakuna laban sa COVID-19, dahil kailangan rin naman umano nito ng proteksyon laban sa coronavirus.
Una nang inamin ni Acosta sa publiko na pinili niyang hindi magpabakuna laban sa COVID-19, dahil sa kanyang edad at ilang health reasons.
Ayon sa PAO chief, hinihintay niya ang protein-based vaccine.
Mababatid na sa ngayon, ang available COVID-19 vaccines sa Pilipinas ay mRNA o RNA (ribonucleic acid)-based gaya ng Moderna at Pfizer’s, inactivated (Sinovac, Sinopharm), at adenovirus o viral vector-based na Janssen, AstraZeneca, at Sputnik V.
Ang Novavax, na hindi pa available sa bansa, ay isang protein-based vaccine.
