HIMAS puthaw karon selda sa Pendatun Police Station ang usa ka lalaki human gidakop sa tungod sa kasong tulo ka ihap sa pagpanglugos.
Matud ni Police Major Lemuel Enrijo, hepe sa Pendatun Police Station nasikop nila si alyas Ace, hamtong ang panuigon ug gikonsidera nga top 9 most wanted personal provincial level. Dugang ni Enrijo nga walay girekomenda nga pyansa ang korte alang sa temporaryong kagawasan sa dinakpan tungod sa kasong tulo ka ihap sa kasong statutory rape.
Nasikop ang nasangpit sa Barangay Katangawan ning dakbayan sa nagkahiusang pwersa sa kapulisan. Gisiguro usab sa opisyal nga padayon ang kampanya nila batok sa mga wanted person sa ilang lugar nga ginsakopan. I Richel Gubalani
