NAWAD-AN og preno ang usa ka dumptruck nga gi-road test sa Fil-Am Road, Barangay Fatima nga niresulta sa pagkaguba sa pader sa Tambler Police Station, pagkadamyos sa laing lima ka mga sakyanan ug pagka- angol sa upat ka mga driver pasado alas 10 sa gabei, Desyembre 18, 2021.
Sa report gikan sa presento singko ang 10 wheeler dumptruck kolor blue may plaka numero MAH 8935 gimanihoan ni Nelson Pevrea Aliasot, 43- anyos, minyo taga Purok 5, New Societ,y Apopong, sumala kay PCMS Neddie Gelig Tubalado gikan sa Putok 16, Fatima nagkarga og sagol bato ug balas unya gi-roadtest.
Adunay escort nga mekaniko sakay sa Kia nga si Anthony Cuaresma Estribello Jr,. 43-anyos, minyo taga Purok 11-A, Fatima.
Pag-abot sa kanto MSU Fil-Am Road nibuto daw ang brake mao nga niuna ang escort aron pahibal-on ang anaa sa unahan nga wala nay preno ang truck hangtud nakaabot sa highway nabanggaan ug nakalso sa truck ang gisakyan sa mekaniko, nideritso sa pader sa Tambler police station,unya naigo usab ang ubang mga sakyanan.
Ang nadamay nga nga sakyanan Tricycle Rusi 125 kolor itum gimanihoan ni Jeason Ebias, 29-anyos, baker nga taga Purok 11-A, Fatima, aduna kini duha ka pasahero nga silang Rodel Bacillota ig Peligrino Pastor Jr. nga naangol usab.
Nadamyos usab ang Honda XRM 125 nga iyaha ni PCpl Judy Alforque ug Honda Wave 100 ni PCpl Ian Luz Pabellaran unya ang na-impound nga Kawasaki Baja.
Nadala usab dayon sa tambalan ang driver sa truck, sa Kia ug sa tricycle nga na-angol unya ang duha ka pasahero sa tricycle.
Gidugang ni PCMS Tubalado nga nakig-estorya na kanila ang tag-iya sa truck ug sa Kia nga andam silang manubag sa nahimong damyos sa disgrasya. I Ver Diazon
