Pakusgan pa sa Davao City Police Office ang police visibility sa mga kadalanan aron masiguro nga kadto lamang mahinungdanong paggawas sa mga inidibidwal ang matigayon.
Kini human natala ang dul-an 80-mil ka mga violators ubos sa General Community Quarantine (GCQ) with heightened restrictions implementation sa syudad.
Subay sa June 16-September 6, 2021 nga datos, sa mga GCQ violators pinakadaghang nadakpan sa face mask nga miabot sa 20, 762 violator; social gathering miabot sa 17, 147 violators; face shield 16, 739 violators; curfew 11,484; pillion riding 4,693; 721 ang naharang nga mga non-essential travel ug 222 ang nasikop tungod sa Liquor ban.
Sumala kang DCPO spokesperson Police Captain Rosario Aguilar, bantay-sarado ang tulo ka mga fixed checkpoints sa Lasang, Marilog ug Toril kung asa ubay-ubay na usab ka mga sakyanan ang wala gipalusot tungod sa non-essential travels.
