Kasong pagsupak sa RA 11332 in relation to E.O. 37 Series of 2021 ang atubangon sa mag-igsoon human nadakpan nga namaligya og ilimnong makahubog sa P4 Lower B Brgy. Tamugan Marilog District.
Ang mga suspek giila nga sila si Shiela Omaña, 39 anyos ug Ken Cordero, 25 anyos nga pulos reisdente sa maong dapit.
Narekober sa mga sakop sa Davao City Police Office Special Operation Group ug City Drug Enforcement Office sa ilang posisyon ang mga kinarton sa ilimnong makahubog mokantidad og P66,050.
Ang duha gipaslak karon sa Marilog Police Station.
