Gipahibawo sa Visayas Vaccination Operation Center, nga aduna nay kapin sa 360,000 ka mga Sugbuanon ang fully vaccinated na batok sa Covid-19.
Gawas niini,a duna usab 570,000 ka mga tawo nga nakadawat na sa unang dose sa bakuna.
Gibutyag ni Dr. Mary Jean Loreche, ang tigpamaba sa Visayas Vaccination Operation Center, nga hangtud niadtong Agosto 8, ang kinatibuk-ang doses sa bakuna nga nagamit miabot sa 953,947 sa tanang public ug private sector vaccination centers sa Cebu.
Sa maong ihap, 573,353 niini ang sa unang dose samtang 362,594 ang nahatagan na sa ikaduhang dose sa bakuna.
Ang probinsya sa Sugbo, naka-dapat na ug kinatibuk-ang 305,148 doses, 300,866 sa Cebu City, 180,480 sa Mandaue City ug 149,453 sa Lapu-Lapu City.
