GUSTONG makaangkon og pagpaklaro gikan sa SSS ang pamilya sa namatyan sa estado sa ilang claim gikan sa namatay nga kabanay.
Segon ni Jesus Parilla nga dugay na silang nagproseso sa maong buhatan ugaling kay makapila na usab silang napakyas maong nangita na sila og katin-awan.
Saysay pa niini nga kapila ka higayon na usab silang ginasultihan nga maghulat apan nakalabay nalang ang pila ka bulan wala gihapon miabot Ang ilang ginapaabot maong nagpatabang na kini sa ilang problema.
Sa pagsusi sa news team sa SSS nasuta nga Enero 2 lang na file ang death claim maong magpaabot lang ang natungdan.
Gipaklaro ni Noel Nacion ang Regional Communications Officer sa SSS Mindanao South II nga posibleng over the counter giproseso ang papeles ug i forward kini sa nagaproseso ug lahi sa online nga daling makita.
Luyo sa maong kakulian gipasalig ni Nacion nga i-monitor niini ang maong problema alang sa kasulbaran. I Danny Casi
