Mainit ro naging pagbatun it Aklan Provincial Government pinaagi it Aklan Provincial Tourism Office kaibahan ro lokal nga gobyerno it Kalibo sa pag abot it mga turista halin sa China.
Ro nasambit nga aktibidad hay kabahin it pagbalik it biyahe halin sa China paagto it Kalibo it pilang mga airline companies kaparehu it Loong Air ag Okay Air nga nag umpisa ku Hunyo 28.
Mabahoe segun nga bulig ro uman nga pagbisita it mga turista sa probinsya it Aklan matapos ro pandemya nga nagpa-paralisa sa pilang mga biyahe kaparehu it China. // ANN DESLENE SALAZAR
