BICOL – PADAGOS ngunyan an Department of Social Welfare Development o DSWD-Bicol sa paghahanda sa mga empleyado kaini na posibleng maapektaran oras na maipautob na an Mandanas-Garcia Ruling kan korte suprema.
Pigkakrkolo kayang nasa siete sientos na empleado kan ahensya sa rehiyon an posibleng mawaran trabaho oras na marealizar na ini ngunyan na taon.
Paliwanag ni DSWD-Bicol Regional Director Leo Quintilla, mawot soboot siertuhon kan ahensya na an mga terminated employees an magiging prayoridad sa mga hiring programs kan saindang mga LGUs.
Pigcierto kaini sa mga LGUs na na an mga personahe kan DSWD an igwang kaaraman dapit sa mga programa asin serbisyo kun kaya dna magastos nin dakula para sa training asin orientation kan mga ini.
Sa irarom kaya kan nasabing ruling an “full devolution” o dagos nang paglipat kan nagkapirang mga responsibilidad kan Executive Branch sa mga lokal na gobyerno.
Katakod kaini hahalion sa DSWD an nagkapira sa mga welfare services kaini siring kan supplementary feeding program, asistensya sa mga PWDs, programa para sa mga street children, older persons, recovery asin reintegration program for trafficked persons, assistance to individuals in a crisis, sustainable livelihood program pati na an Kapit-Bisig Laban sa Kahirapan-Comprehensive and Integrated Delivery of Social Services o (Kalahi-CIDSS).
Siring man, sa ibong kan full devolution, magiging katuwang pa man giraray an DSWD kan mga LGUS urog na pag abot sa research development, capacity building, technical assistance asin pagbilog nin mga polisiya.
