Nag abot eon kaina it agahun sa Aklan si Regional Director Ma. Evelyn B. Macapobre it Department of Social Welfare and Development (DSWD) Field Office VI, para mabuligan ro 16 nga workers nga gin-abandona ag gin-terminate pa it andang contractor.
Ro mga inabandona hay mga nagatrabaho sa ARRL Cable Installation Services nga gin-abandona it andang contractor halin sa GEDN OSP Designs and Services matapos ro sang buean nga pagtrabaho.
Matandaan nga ginpaabot it Brigada News FM Kalibo kay DSWD Secretary Erwin Tulfo ro problema it mga workers rasun nga insigida man raya nga gin aksyunan it sekretaryo ag ginpaagto si Director Macapobre.
Sa interview it Brigada News FM Kalibo kay Director Macapobre, gindaehan nanda it pagkaun ro mga workers ag pagabuligan nga makauli sa andang lugar bangud ro mga trabahador hay mga taga Bulacan ag Laguna.
Sa makarun hay ginaimbestigahan eon it DSWD-6 ro mga trabahador para masayran kung ano gid ro natabo ag igapaabot sa DOLE ro natabo ag para mapasabat ro sin-oman nga nagpabaya kanda. / ANN DESLENE SALAZAR