Gipasabot sa mga opisyal sa Cebu City Transportation Office (CCTO), Talisay City Traffic Operations and Development Authority (CT-TODA) ug Traffic Enforcement Agency of Mandaue (TEAM) nga dili na maka-renew sa ilang lisensya ang mga drivers nga dili mubayad sa multa sa ilang mga traffic violations.
Una niini nagpahigayon ug tigom ang CCTO, CT-TODA ug TEAM kauban si Atty. Noreen Bernadette San Luis-Lutey, chairperson sa Interconnectivity System Management sa LTO arun hisgutan ang kabahin sa memorandum circular nga giluwatan ni LTO Chief, Assistant Secretary Jose Arturo Tugade.
Tumong niini, mao ang pagdisiplina sa mga drayber nga nagsalig nga gaan ra ang multa nga ipahamtang sa mga traffic body sa matag LGU kaysa naandang ipahamtang nga multa sa LTO kon ang ilang personnel ang makadakop sa mga drivers.//
