Angol ang driver sa motorsiklo ug ang gibanggaan niining pedestrian alas-8:58 sa gabii niadtong Huwebes, Enero 25, 2024 sa Coastal road ning syudad sa Davao.
Base sa imbestigasyon, gisubay sa motorsiklo nga gimaneho ni Joey Caingoy Cesar, 37, nga taga-Poblacion Alabel Sarangani Province ug temporaryong nagpuyo sa Peoples Village Ma-a ang Davao Coastal Road gikan sa Dumalag Road ug padulong siya sa Times Beach Coastal Exit/Entrance Road.
Pag-abot sa lugar diin nahitabo ang disgrasya, nabanggan sa motor ang patabok nga pedestrian nga nailang si Ramil Palay Dayong, 27, nga taga- Purok 23 Brgy. 76-A Bucana. Gumikan sa impak, susamang nangatumba sa kalsada ang biktima ug ang driver sa motor ug nakaangkon og mga pangos sa kalawasan.
Daling girespondihan sa mga sakop sa 911 ug susamang gipangdala sa SPMC ang duha alang sa medikasyon.
