Tugpa sa ospital ang tulo ka mga biktima lakip na ang duha ka senior citizens human nga nahulog sa open creek kilid sa dalan ang ilang gisakyan nga kotse alas-4:00 sa hapon niadtong Enero 25, 2024 sa may Marilog ning syudad sa Davao.
Sa imbestigasyon, gisubay sa mga biktima sa 360 degree restaurant road ug pag abot sa pasaka ug kurbadang bahin sa dalan, kalit nga nawad-an sa kontrol ang babayeng driver.
Miresulta kini sa pagkahulog sa open creek ug gumikan sa impak nakaangkon og injury ang tulo ka mga sakay nga nailang sila Roso J Dango, 80 anyos, Irenia P Dango, 73 anyos ug Mary Grace Dango, 45, puros residente sa Poblacion, Calinan, ning syudad sa Davao.
Dali hinoon nga girespondihan sa 911 personnel ang mga nahisgutan ug karon padayong nagpaalim sa ospital.
