Sikop sa mga sakop sa Toril Police Station ang usa ka driver atol sa drug buy-bust operation, pasado alas 2:00 sa kadlawon, Mayo 24, 2024 sa Phase 1 Batulosa Brgy Bangcas Heights, Toril ning syudad.
Giila sa kapulisan ang dinakpan nga si alyas John, 25 anyos, street level individual nga residente sa Prk 2 Teachers Village, Brgy Matina Aplaya, Davao City.
Nasikop matod pa ang suspek human kini napalitan sa operatiba og usa (1) pakete sa gituohang shabu. Napalit ug nakuha sa nahisgutan ang kinatibuk-ang kantidad nga mubalor sa Php20,000,00.
Tingkagol na karon sa Toril Police Station ang maong dinakpan ug gi-andam na ang pagpakasa og tukmang kaso kalabotan sa iligal nga droga batok kaniya.
