PADAYUN ang himuong operasyon sa San Isidro Police station sa ilang AOR kalabot ang drag racing.
Segun ni Police Capt. Adulsalam Mamalinta, hepe sa San Isidro PNP nga may nadakpan sila nga usa ka tawo nga nalambigit sa drag racing sa area sa Udagre, Brgy.Conel.
Giimbestigahan na usab ang maong dinakpan aron ilhon ang uban pa nga gapahigayon og drag racing sa maong lugar ug aron makasuhan.
Gibutyag usab niini nga gikan sa nagkadaiyang lugar ug didto lang magtapok ang mga naga-drag race ug wala usab masuta kung adunay pustahanay.
Gikabutyag niini nga may panahon pa nga gapahigayon og drag racing atol sa Sunday lockdown ug may video nga nahuptan gikan sa mga residente nga gareklamo batok sa maong kalihukan.
Gipahinumdom usab ni Mamalinta nga dako ang multa sa madakpan nga nalambigit sa drag race mao nga awhag niini dili na muhimo niini tungod peligroso dili lang sa mga nahisgutan apan sa ubang motorista.
Photo: for illustration purpose only
