LEGAZPI CITY – Pighahalat na sana kan Department of Public Works and Highways (DPWH) 1st District Engineering Office an pondo na ibababa hale sa DPWH central office tanganing mapunan na an pagpapakaray kan mga eskwelahan sa primer distrito kan Albay.
Sa intrevista kan Brigada News FM Legazpi kay Allan Imperial, Administrative Officer asin Public Information Officer kan naumbitang opisina, anuman na oras pwedesir nang mapunan an pagpapakaray kan mga eskwelahan na nagkararaot sa oras na maibaba tulos an pondo.
Segun pa kay Imperial, wara pa sindang kapot na listahan kun pirang eskwelahan sa primer distrito an saindang iirahayon.
Pigsyerto man kaini na gabos na raot na eskwelahan na pigsumiter kan Department of Education (DEPED), saindang su boot na aayuson.
Alagad, madepende man giraray sinda sa pondong ibaba asin listahan na aayuson na eskwelahan sa primer distrito.
