LEGAZPI CITY – Nagpartisipar an Department of Tourism (DOT) Bicol sa nakalihis pa sanang Philippine International Dive Expo (PHIDEX) sa Hall A kan World Trade Center sa Maynila.
Segun kay DOT Bicol Assistant Regional Director Sally Mora, duwang aldaw man sana an nasambit na aktibidad na nagpuon kan Pebrero 23-25 tanganing mabisto sa bilog na nasyon an dive destination asin ipromotir an dive site kan Ticao Island sa probinsya kan Masbate.
Kabale naman an Bicol Region sa may mga potensyal na dive destination.
An PHIDEX iyo an pinakadakulang platform kan nasyon para sa diving community puon kan taon 2019.
Dugang pa kaini, nagkakaigwa sa ngunyan nin dive assessment sa mga lugar nin Camarines Norte, Sorsogon asin syudad nin Legazpi tanganing madugangan an dive destination.
Sinabi pa ni Mora, saro ngunyan sa pigbibisto kan international tourist iyo an diving nin huli ta mas dakulang revenue an naglalaog sa lugar.
